價格：免費
更新日期：2018-08-17
檔案大小：2.5M
目前版本：1.0.1
版本需求：Android 4.3 以上版本
官方網站：http://www.lmi.molsw.gov.la
Email：lmi.molsw@gmail.com
聯絡地址：Thailand
ລາຍລະອຽດຂອງແອັບພີເຄເຊີນ ຂ່າວສານຕະຫລາດແຮງງານລາວ
ຈຸດປະສົງ
ແອັບພີເຄເຊີນນີ້ ເປັນການບໍລິການຂອງພາກລັດ ມີຈຸດມຸ້ງຫມາຍເພື່ອຊ່ວຍໃຫ້ຜູ້ຊອກຫາວຽກ ໄດ້ຊອກຫາອາຊີບ ແລະ ເລືອກບໍລິສັດ ທີ່ມີຄວາມເພິ່ງພໍໃຈ ແລະ ສອດຄ້ອງກັບທັກສະ-ຄວາມສາມາດຂອງພວກເຂົາ. ສຳລັບ ຜູ້ຕ້ອງການແຮງງານ ກໍ່ສາມາດຊອກຫາແຮງງານ ທີ່ເຫມາະສົມ ແລະ ກົງກັບມາດຖານໃນຕຳແຫນ່ງງານ ທີ່ຜູ້ຕ້ອງການແຮງງງານ ຕ້ອງການ. ເຊິ່ງແອັບພີເຄເຊີນດັ່ງກ່າວນີ້ ຈະເປັນຊ່ອງທາງຫນຶ່ງທີ່ຈະເປັນເຄື່ອງມືຊ່ວຍໃນການຊອກຫາອາຊີບ ແລະ ແຮງງານ ຢ່າງມີປະສິດທິພາບ ໂດຍປະຕິບັດຕາມ ປຶ້ມຄູ່ມືປະຕິບັດງານຂໍ້ມູນຂ່າວສານຕະຫລາດແຮງງານ.
ຄຸນສົມບັດ:
ລົງທະບຽນເປັນສະມາຊິກນຳໃຊ້ໃນລະບົບເປັນ 2 ສ່ວນ ຄື: ຜູ້ຊອກຫາວຽກ ແລະ ຜູ້ຕ້ອງການແຮງງານ.
ຜູ້ຊອກຫາວຽກ ປ້ອນຂໍ້ມູນຂອງທ່ານລົງໃນລະບົບ ກໍ່ຄື: ປະຫວັດທົ່ວໄປ, ວຽກທີ່ສົນໃຈ, ເພີ່ມປະຫວັດການສຶກສາ, ການຝຶກອົບຮົມ, ປະຫວັດການເຮັດວຽກ ແລະ ຄວາມສາມາດພິເສດ. ນອກຈາກນັ້ນ, ຍັງສາມາດຄົ້ນຫາວຽກທີ່ຕ້ອງການໄດ້ ເມື່ອມີຜູ້ຕ້ອງການແຮງງານປະກາດຕຳແຫນ່ງງານໃນລະບົບ ແລະ ລະບົບຍັງຊ່ວຍເລືອກອາຊີບທີ່ຕົງກັບຕຳແຫນ່ງງານທີ່ທ່ານຕ້ອງການໄດ້.
ຜູ້ຕ້ອງການແຮງງານ ປ້ອນຂໍ້ມູນຂອງທ່ານລົງໃນລະບົບ ກໍ່ຄື: ຂໍ້ມູນທົ່ວໄປ ແລະ ປະກາດຮັບສະຫມັກງານ. ນອກ ຈາກນັ້ນ, ຍັງສາມາດຄົ້ນຫາເອົາຜູ້ທີ່ມາສະຫມັກງານໄດ້ ເມື່ອມີຜູ້ຊອກວຽກສະຫມັກງານໃນລະບົບ ແລະ ຜູ້ສະຫມັກເອງເລືອກສະຫມັກໄວ້ນັ້ນ.
ການພັດທະນາສີມືແຮງງານ ມີ ລົງທະບຽນເຂົ້າຝຶກສີມືແຮງງານ ແລະ ຊອກຫາທຶນຝຶກອົບຮົມ.
ຂ່າວສານຕະຫລາດແຮງງານ ມີ ວິເຄາະຕະຫລາດແຮງງານ, ສະພາບຕະຫລາດແຮງງານ ແລະ ຕົວຊີ້ວັດຂອງຕະຫລາດແຮງງານ.
ແບບປະເມີນພື້ນຖານການເລືອກອາຊີບ.
ລະຫັດສາລະບານອາຊີບ.
ເອກະສານເຜີຍແຜ່ຕ່າງໆ.
ຄູ່ມືການນຳໃຊ້ງານ ຂອງຜູ້ຊອກຫາວຽກ ແລະ ຜູ້ຕ້ອງການແຮງງານ.
ຜູ້ນຳໃຊ້:
ແອັບພີເຄເຊີນ ສະຫນອງໃຫ້ຜູ້ຊອກຫາວຽກກໍ່ຄື: ຜຸ້ວ່າງງານ, ຜູ້ປ່ຽນວຽກ, ຜູ້ວ່າງງານໃນລະບົບປະກັນສັງຄົມ, ນັກສຶກສາຈົບໃຫມ່ ທີ່ກຳລັງຊອກຫາວຽກຢຸ່ ແລະ ຜູ້ຕ້ອງການແຮງງານ ທີ່ກຳລັງຊອກຫາແຮງງານ ເຂົ້າໃນຫົວຫນ່ວຍທຸລະກິດ.